Die term lewensreg dui op lewenslange reg van vruggebruik oor ’n eiendom ten gunste van die houer daarvan. So ’n persoon is geregtig op die “vrugte” van die eiendom. Dit verwys na byvoorbeeld oeste se opbrengste, óf huurgeld van die eiendom. Die vruggebruiker mag dus die eiendom verhuur teen vergoeding, of weidingsregte verhuur aan ’n derde persoon en die huurgeld of vergoeding vir hom- of haarself gebruik. Die houer van die vruggebruik mag die eiendom dus verhuur en op ’n ander plek gaan woon.