Die negende episode van reeks 19 van Landbouweekliks word vandeesweek uitgesaai.
Marthinus Erasmus is een van daardie grensboere wat dikwels in van die moeilikste toestande boer. Hy het sy boerdery van niks af opgebou. Aanvanklik het hy die plaas Aden naby Alldays in 2004 gehuur en intussen het hy dit gekoop. Die boerdery produseer hoofsaaklik aartappels, botterskorsies en voergewasse vir wisselbou. Alles word besproei. Daar is ook ’n skaap- en wildvertakking. Marthinus het vroeg besef dat hy elke geleentheid wat oor sy pad kom, met albei hande moet aangryp. Hy is getroud met Noeline en die egpaar het ’n seun, Cornelis (18), en dogter, Anli (16).
