Die elfde episode van reeks 19 van Landbouweekliks word vandeesweek uitgesaai.
Russell Clark en sy seun, Ed, boer met Herefords, Tuli’s, Brahmane en Merino's naby Dordrecht. Russell is ’n leierboer en een van die land se voorste kenners en telers van veral Herefords. Russell bestuur die Herefords op die plaas Hartebeesthoek, terwyl Ed die leisels van die Tuli-kudde op die plaas Denwood hou. Hul kuddes spog met ’n speensyfer van hoër as 90%. Russel, ’n voormalige voorsitter van SA Stamboek, meen regdenkende mense van alle rasse moet saamstaan om die probleme in Suid-Afrika te bowe te kom. Vir hom is integriteit ononderhandelbaar.
