Só voeg Case IH-stropers waarde tot boerdery

Case IH se nuwe 8250 Axial Flow-stroper is toegerus met Harvest Command, wat al die stroper se eie verstellings doen om te verseker dat optimale produksie verkry word. Die stroper kan self die siwwe verstel om die skoonheidsgraad en die gehalte van die graan te optimaliseer. Al wat die drywer hoef te doen, is om die konkaaf eenmalig te stel en van daar slegs die graan af te tap. Die enkel-rotorstelsel beteken dat daar geen obstruksie voor die rotor is nie. Dit verseker ook minder gebreekte pitte, asook minder bewegende dele, wat die onderhoud goedkoper en makliker maak. Prys: R6,9 miljoen (stropertafel uitgesluit). Navrae: Northmec, Bredasdorp; mnr. Lujuan Buitendach, 028 514 1106, e-pos: lujuanb@northmec.co.za