AFGRI Equipment kondig met trots aan dat die veeldoelige 3DX Super-laaigraaf (TLB), die swaardiens rusperband-masjiengrawe, die JS140 van 14 ton en die JS205 van 20 ton, eersdaags deel gaan wees van JCB se aanbieding.
Hierdie toerusting is aangepas vir en toegespits op die landboumark en om die boer aan die voorpunt van doeltreffendheid te plaas. JCB was vanaf 1953 die voorloper in die ontwikkeling van die veeldoelige laaigrawe. JCB was ’n markleier met tegnologie, soos die syskuif-monteerstuk en meganiese vierwieldrywing op toerusting vir materiaalhantering.
JCB bied steeds die beste werktuie ten opsigte van dieselverbruik, produktiwiteit en operateursgemak. Dit is dan geen wonder nie dat JCB die helfte van die wêreld se veeldoelige laaigrawe verkoop nie.
3DX SUPER
JCB gebruik hidrouliese hoëdrukstelsels waarmee die 3DX Super korte mette maak met die moeilikste toestande. Dit bied sowat 43% beter doeltreffendheid in swaar toestande. Die arm en skepbak is ideaal saamgestel om beter sigbaarheid aan die operateur te bied en om maklik tot aan die onderkant van die sloot te grawe.
Danksy JCB se voorloperenjin, die DIESELMAX Turbo-enjin wat sowat 68 kW lewer, kan hierdie toerusting meeding in ’n klas bo sy norm teen ’n prys wat mededingers op hul neuse sal laat kyk.
Die JCB se enjin is ontwerp met die oog op uitmuntende werkverrigting, hoë wringkrag en uitstekende produktiwiteit. Met duisende DIESELMAXenjins wêreldwyd getuig dit van betroubaarheid. Die 4-arm-parallellaaier se uitleg beteken beter sigbaarheid, uitstekende vragbehoud, ’n goeie uitlaaihoek en uitlaaibestek en vinniger walaai.
Dit maak tesame met die skuins enjinkap wat sigbaarheid van die laaibak verbeter, laaiwerk kinderspeletjies.
JCB JS205-laaigraaf
JCB se laaigraaf van 20 ton bespaar tyd en koste vir die operateur. Die JS205 is ontwikkel met die oog op operateursgemak, lae onderhoudkoste en produktiwiteit.
Met laer dieselverbruik van 10% danksy JCB-tegnologie, bied die hidrouliese JCB JS205 groot besparings aan bedryfskoste. Versterkte spore aan die onderkant van die A-raam maak die masjien sterker en meer betroubaar in swaar toestande. Die JS205 bied ook die voordeel van die telematiese LiveLink-stelsel vir diensherinnering, toerustingdata, enjingesondheid en GPS-posisionering.
Die nuwe balk en arm is ontwerp met groter seksies, 22% groter in diepte, 6% wyer op die balk en 12% dieper en 7% wyer op die arms. Hierdie verbetering bevorder die gebruiksduur en betroubaarheid van die werktuig in swaar werkstoestande. Die JCB JS205 is ook toegerus met ’n ECO-funksie op die hidroulika wat 6-9% brandstofbesparing lewer teen 5% hoër werkverrigting (op maksimum kragopsie).
Die outomatiese tussenrattegnologie bied aanpasbaarheid waar benodig, soos die kragopsie vir swaar toestande en ECO vir laer enjin-revolusies per minuut, en groot brandstofbesparings. Die laaigraaf of uitgrawer van 20 ton het verstelbare kajuitkontroles om vinniger te werk of stadiger en akkurater.
