Whitey Basson is Suid-Afrika se onbetwiste kleinhandelkoning. Dié biografie, wat met sy toestemming geskryf is, vertel van sy kinderjare as plaaskind op Porterville, hoe hy destyds met Pep Stores se steun agt winkels in die Kaap gekoop het om geleenthede in die voedsel-kleinhandelsektor aan te gryp, hoe hy Shoprite stilweg opgebou het, OK Bazaars vir R1 oorgeneem en binne ’n jaar winsgewend gemaak het, en die uiteindelike sukses van die kleinhandelgroep wat hy tot groot hoogtes gelei het. Whitey se unieke, mensgerigte bestuurstyl en reguit manier om ’n ding te sê, kom in dié inspirerende verhaal na vore.
Die voorwoord is deur dr. Johann Rupert geskryf.
Dié boek vertel die verhaal van Grant Fowlds se lewenswerk om die habitat van olifante, renosters en ander wild in Afrika te bewaar. Ontbossing, stropery en menslike interaksies lei alles tot habitatsverlies.
