Kerriepasta
2 uie, grofgekap
6 knoffelhuisies
10 ml sout
3 ml varsgemaalde swartpeper
5 ml borrie
15 ml garam masala
5 ml elk komyn en gemaalde koljander
3 ml rooipeper
3 ml gerookte paprika
Beesvleiskerrie
60 ml olyfolie 1 kg beenlose beesvleisblokkies
Sout en varsgemaalde swartpeper
1 groot ui, grofgekap
1 blik (410 g) tamatiepuree
500 ml beesvleisaftreksel
15 ml suiker
Sit al die bestanddele vir die kerriepasta in ’n voedselverwerker en pols tot verpulp. Verhit 30 ml van die olyfolie in ’n pan en braai die kerriepasta vir 5 minute daarin tot geurig. Hou eenkant.
Verhit die res van die olie in ’n kastrol en braai die vleisblokkies, gegeur met sout en peper, tot goudbruin. Voeg die ui by en braai tot die ui sag is.
Voeg die kerriepasta by en braai dit vir ’n paar minute saam met die vleis. Voeg die tamatiepuree, aftreksel en suiker by en verhit tot kookpunt.
Draai die stoofplaat laag en prut vir 1½ tot 2 uur oor lae hitte tot die vleis sag en die sous dik en geurig is. (As die sous te veel afkook, vul dit met kookwater aan.)
Sit voor op rys, koeskoes of quinoa.
Lewer 4-6 porsies
