30 ml olie
2 uie, gekap
2 knoffelhuisies, gekap
3 cm vars gemmer, gerasper
15 ml sterk kerriepoeier
10 ml borrie
30 ml appelkooskonfyt
Sout na smaak
15 ml vrugteblatjang
1 kg beesmaalvleis
2 snye brood, grof gebreek
250 ml melk
Bolaag
Lourierblare
3 eiers
250 ml melk
Voorverhit die oond tot 180 °C en smeer ’n oondbak liggies met olie. Verhit die olie in ’n kastrol en braai die uie daarin tot sag. Voeg die knoffel, gemmer, kerriepoeier en borrie by en braai tot geurig.
Voeg die appelkooskonfyt, sout en blatjang by en braai vir ’n paar sekondes. Voeg die vleis by en braai tot bruin. Week die brood in die melk tot sag en druk fyn met ’n vurk.
Voeg by die vleismengsel en meng goed deur. Prut vir twee minute en skep in die oondbak. Smeer gelyk. Druk ’n paar lourierblare op die vleis vas. Klits die eiers en melk goed en giet oor die vleis. Bak vir 20-30 minute tot die bolaag goudbruin en ferm is. Lewer ses porsies.
