Sny elke worsie middeldeur en druk ’n sosatiestok diep in elke worsie. Verkoel tot benodig. Verhit die olie tot warm. Terwyl die olie warm word, sit die bruismeel in ’n bak. Klits die eier, olie en water saam en voeg by die meel. Meng tot ’n beslag vorm.
Doop die worsies in die beslag (maak seker die hele worsie is bedek) en braai in diep, warm olie tot die deeg goudbruin en bros is. Dreineer op kombuispapier en sit warm voor met doopsouse, soos tamatiesous, blatjang of soet rissiesous.
Lewer 16 worsiehappies
