¦ 2 Clementines, geskil en elk in 3 skywe gesny
¦ 180 ml gouestroop
¦ 375 ml bruismeel
¦ 2 ml fyn gemmer
¦ 2 ml fyn kaneel
¦ Knippie neutmuskaat
¦ 1 ekstragroot eier
¦ 80 ml melk
¦ 80 ml olie of gesmelte botter
¦ 5 ml vanieljegeursel
Voorverhit die oond tot 180°C en smeer ’n muffinpan met 6 ekstragroot holtes met gesmelte botter. Sit ’n skyfie Clementine onder-in elke holte in die pan en skep twee eetlepels (30 ml) gouestroop oor elke skyfie. Meng die bruismeel, gemmer, kaneel en neutmuskaat in ’n bak.
In ’n ander bak, klits die eier, melk, olie of gesmelte botter en vanieljegeursel saam. Voeg dit by die droë bestanddele en roer tot net-net gemeng. Skep die beslag bo-op die Clementineskyfies en stroop. Bak vir 12-15 minute tot die poedings net gaar is.
Maak die kante versigtig los en keer die muffinpan op ’n opdienbord om. Laat staan dit so onderstebo vir minstens 5 minute sodat ál die stroop kan afdrup op die poedings. Sit voor met dun vla. Lewer 6 porsies.
