Beslag
250 ml koekmeel
10 ml bakpoeier
2,5 ml sout
80 ml strooisuiker
30 ml kakao
120 ml melk
30 ml gesmelte botter
Sous
60 ml kakao
120 ml bruinsuiker
420 ml kookwater
Voorverhit die oond tot 180 °C en smeer ’n middelslag-oondbak met botter. Sif die droë bestanddele saam in ’n mengbak. Meng die melk en gesmelte botter en voeg dit by die droë bestanddele. Roer goed tot ’n gladde beslag vorm. Skep die beslag in die voorbereide bak en smeer gelyk.
Meng die bestanddele vir die sous saam tot glad en giet dit versigtig oor die beslag in die oondbak – moenie roer nie. Sit die bak in die oond en bak die poeding vir 45 minute. Die poeding sal nog baie klam lyk as dit uit die oond kom, maar dit is presies hoe dit moet lyk. Sit voor met geklopte room.
Lewer 6 porsies.
