Deeg
- 250 g botter
- 200 ml suiker
- 1 eier
- 5 ml vanieljegeursel
- 625 ml koekmeel
- Knippie sout
- 5 ml bakpoeier
- 250 ml klapper
Vulsel
- 30 ml fyn appelkooskonfyt
- 1/2 blik (ongeveer 125 ml) karamelkondensmelk
- 500 ml gaargekookte appelstukke
- Geklopte room en fyn kaneel om voor te sit
Voorverhit die oond tot 180 °C en smeer ’n tertbord van 20 cm goed met botter. Verroom die botter en suiker vir die deeg goed saam. Voeg die eier en vanieljegeursel by en klits goed. Voeg die meel, sout, bakpoeier en klapper by en verwerk tot ’n deeg. Breek ¹/3 van die deeg af, bedek dit met kleefplastiek en sit in die vrieskas.
Druk die res van die deeg (²/3) egalig op die boom en teen die kante van die pan vas. Verkoel vir 10 minute. Smeer die appelkooskonfyt en dan die karamelkon- densmelk egalig op die basis van die tert. Pak die appels styf teen mekaar op die karamel. Haal die orige stuk deeg uit die vrieskas en rasper dit grof oor die appels.
Bak vir ongeveer 30-40 minute tot die deeg goudbruin en deurgaar is. Sit louwarm voor met geklopte room en kaneel oorgesprinkel. Lewer 10 porsies
Ontvang die nuutste landbounuus en -raad in verskeie bedrywe - teken HIER in vir een van ons nuusbriewe.
