Vulsel
- 3 pakke (900 g) vars spinasie
- 200 g ricottakaas
- 2 wiele fetakaas, gekrummel
- Sout en swartpeper na smaak
- 2 ml neutmuskaat
- 2 ekstragroot eiers, geklits
Deeg
- 1 rol (400 g) blaardeeg
- 1 ekstragroot eier
- 30 ml melk
Voorverhit die oond tot 200 °C en voer ’n bakplaat met bakpapier uit. Was die spinasie goed en sny groot are uit. Pak ’n paar groot spinasieblare opmekaar en rol dit styf op in ’n rolletjie. Kerf die rolletjie spinasieblare fyn en herhaal die proses met die res van die spinasieblare. Sit die fyngesnyde spinasie in ’n groot mikrogolfbestande bak en bedek met kleefplastiek.
Steek ’n paar gaatjies in die kleefplastiek en mikrogolf die spinasie teen 100% krag vir ’n paar minute of tot die spinasie gaar is. Haal uit die mikrogolf en laat afkoel. Druk die gaar spinasie tussen jou hande om alle vloeistof uit te druk. Meng die drooggedrukte spinasie met die ricottaen fetakaas, sout, peper, neutmuskaat en eiers.
Rol die deeg dunner uit en sny die deeg in die helfte deur. Skep die spinasievulsel op die een helfte van die deeg en sit die ander helfte boop. Seël die rande met ’n vurk. Klits die eier en melk saam en verf die pastei boop daarmee. Maak vlak insnydings in die deeg boop die pastei. Bak vir ongeveer 25-30 minute tot die deeg goudbruin en opgepof en die vulsel borrelend warm is. Laat effens afkoel en sit die pastei voor met slaaie van jou keuse.
Lewer 6 porsies.
