Sy’t die yskristalle sommer met ’n vurk opgebreek pleks van om dit weer deur te klits. Die roomys waarmee ek grootgeword het, het dus ’n growwe tekstuur gehad, anders as dié op die foto. Maar net so lekker!
As ons moeg geswem was op ’n vuurwarm somersdag, was dié koue lekkerny die beste bederf.
500 g vars aarbeie, skoongemaak en grof gekap
80 ml versiersuiker, gesif
Sap van ’n halwe suurlemoen
5 ml vanielje-ekstrak
500 ml dik room
Verwerk die aarbeie, versiersuiker, suurlemoensap en vanielje-ekstrak in ’n voedselverwerker tot glad. Klop die room in ’n aparte bak tot sagte punte vorm en vou die aarbeipuree daarby in. Gooi in ’n plastiek- of metaalhouer en vries tot die roomys bevrore, maar nog sag is.
Skep terug in die mengbak en klits goed deur. Gooi die mengsel weer in die bak, bedek en vries. Haal ’n rukkie voor ete uit die vrieskas om effens ‘n liter roomys.
