Sit die pruimedante en brandewyn in ’n bakkie, bedek met ’n deksel of met kleefplastiek en laat staan oornag.
Sit die meel, versiersuiker en botter in ’n voedselverwerker en pols tot krummelrig. Voeg die eiergele by en pols tot ’n deeg vorm. (Voeg ’n paar druppels yswater by indien die mengsel te droog lyk). Rol die deeg uit op ’n meelbestrooide oppervlak en voer ’n gesmeerde losboomtertbord van 26 cm daarmee uit.
Prik die boom van die tertkors met ’n vurk. Verkoel vir 30 minute. Voorverhit die oond intussen tot 200 °C. Voer die deeg uit met ’n stuk bakpapier en vul dit met droëbone of rys. Bak die deeg blind vir 10-12 minute. Verwyder die bakpapier en bone (of rys) en sit die pan met die deeg terug in die oond.
