Beslag
230 g sagte botter
500 ml ligbruinsuiker
15 ml vanieljegeursel
4 ekstragroot eiers
750 ml koekmeel
250 ml klapper
7 ml bakpoeier
5 ml koeksoda
5 ml kaneel
3 ml sout
80 ml natuurlike jogurt
5 groot piesangs, fyn gedruk
1 middelslagpynappel, skoongemaak en in kwarte gesny
Versiersel
150 g botter
500 ml versiersuiker
1 houer (200 g) volvet-roomkaas
30 ml vars suurlemoensap
10 ml vanieljegeursel
Fyn kaneel, om oor te sprinkel
Voorverhit die oond tot 180 °C en smeer twee koekpanne van 22 cm elk. Voer uit met bakpapier en smeer weer. In ’n groot mengbak, verroom die botter, suiker en vanieljegeursel goed tot romerig. Klits die eiers een vir een by. Voeg die koekmeel, klapper, bakpoeier, koeksoda, kaneel, sout, jogurt en piesangmoes by.
Sny die stronkgedeelte van die pynappelwiggies af en verwerk die pynappel in ’n voedselverwerker tot redelik fyn. (Jy het sowat 310 ml pynappelmoes nodig.) Voeg die fyn pynappel by die koekbestanddele in die mengbak. Meng goed en verdeel die beslag tussen die twee voorbereide panne.
Bak vir 45-55 minute tot uitgerys en deurgaar. Maak intussen die versiersel: Verroom die botter en versiersuiker goed saam. Voeg die roomkaas, suurlemoensap en vanieljegeursel by en klits tot glad en romerig. Verkoel tot benodig. Haal die gaar koeke uit die oond en laat dit vir 10 minute in die pan afkoel voordat jy dit uitkeer op ’n draadrak om verder af te koel.
Versier die koek met die roomkaasversiersel en sif ’n bietjie fyn kaneel oor. Lewer 16-20 porsies.
Ontvang die nuutste landbounuus en -raad in verskeie bedrywe - teken HIER in vir een van ons nuusbriewe. Volg ons op Whatsapp om daaglikse landbounuus op jou selfoon te ontvang.
