¦ 100 g botter
¦ 250 g Portabellini-sampioene, gesnipper
¦ 250 g bruin sampioene, gesnipper
¦ 250 g dwergsampioene, gesnipper
¦ 5 repe spekvleis, gesnipper
¦ 100 ml sjerrie
¦ 15 ml koekmeel
¦ 500 ml melk
¦ 750 ml hoenderaftreksel
¦ Sout en vars gemaalde swartpeper na smaak
Smelt 80 g van die botter in ’n groot kastrol. Hou ’n paar van die gesnipperde sampioene eenkant en braai die res van die sampioene in die gesmelte botter tot gaar. Voeg die spekvleis by en braai tot gaar. Voeg die sjerrie by en laat dit vinnig kook tot die pot amper drooggekook is.
Sprinkel die koekmeel oor en verhit totdat dit borrel. Voeg die melk en hoenderaftreksel by en verhit tot kookpunt terwyl jy aanhou roer. Laat prut vir 10 minute. Geur na smaak met sout en peper en verpulp die sop tot glad. Braai die gesnipperde sampioene wat jy eenkant gehou het, in die orige botter en skep dit bo-op die sop. Sit dadelik voor. Lewer ses porsies.
