Dié gereg is heerlik saam met kaserige geelmieliepap (polenta), vars, korserige brood of vet aartappelskyfies om die sous op te vee.
¦ 700 g steak van jou keuse
¦ Sout, vars gemaalde swartpeper
¦ 30 ml olyfolie
¦ 45 ml botter
¦ 3 groot uie, grof gekap
¦ 4 knoffelhuisies, fyn gekap
¦ 2 vars lourierblare
¦ 1 takkie roosmaryn
¦ 30 ml tamatiepuree
¦ 250 ml rooiwyn
¦ 250 ml beesvleisaftreksel
¦ Paar druppels heuning
Sny die steak in klein blokkies en geur met sout en swartpeper. Verhit die olie en botter in ’n swaarboompan en braai die steak daarin bruin.
Voeg die uie, knoffel, lourierblare en roosmaryn by en braai tot die uie sag is. Voeg die tamatiepuree, rooiwyn en beesvleisaftreksel by en verhit tot kookpunt. Geur weer met sout, peper en net genoeg heuning om die smake te balanseer.
Prut vir ongeveer 35-45 minute tot die steak sag en die sous dik, ryk en geurig is. Lewer 4 porsies.
