Ek vind die sous is altyd lekkerder as ’n mens dit die aand voor die tyd maak, want dit gee die geure ’n bietjie tyd om lekker te meng. Vir steak maak ek altyd ’n amper-te-warm vuur.
Jy moet skaars jou hand so 25 cm oor die vuur kan hou. Dan moet die steak op – een minuut per kant, vir vier draaie. Ek gebruik ’n stophorlosie om die tyd presies reg te kry. Dan sit ek die steak in ’n warm vleisbak langs die velling om vir ’n paar minute te rus.
Argentynse pietersieliesous
250 ml water
15 ml seesout
6 knoffelhuisies, fyngedruk
250 ml pietersielie, baie fyn gekap
180 ml vars oreganum, baie fyn gekap
5 ml rissievlokkies
60 ml rooiwynasyn
125 ml goeie olyfolie sosaties
2 kg steak van jou keuse
Marinade
1 groot ui, baie fyn gekap
125 ml olie
4 knoffelhuisies, fyn gekap
125 ml vars suurlemoensap
60 ml sojasous
10 ml aangemaakte mosterd
5 ml vars gemaalde swartpeper
Vir die sous, verhit die water en sout tot kookpunt en laat afkoel. Verpulp die res van die bestanddele saam. Klits die soutwater by en giet in ’n fles. skroef toe en hou in die yskas. Sny die steak in hapgrootte blokkies en pak in ’n niemetaalbak. Braai die uie oor matige hitte in die olie tot sag.
Voeg die knoffel by en braai vir ’n minuut. Verwyder van die hitte en laat staan vir 10 minute. roer nou die suurlemoensap, sojasous, mosterd en swartpeper by. Laat die marinade goed afkoel en giet oor die vleis. Bedek en verkoel vir minstens drie uur (verkieslik oornag).
Ryg die vleis op sosatiestokkies en laat dit kamertemperatuur bereik voor jy dit vinnig oor baie warm kole braai tot liggaar. Laat rus vir vyf minute. sit voor met die sous. Lewer vier tot ses porsies.
