¦ 1 kg varklies, ontbeen en vel afgesny
¦ Sout en varsgemaalde swartpeper
¦ Olyfolie, vir braai
Rooiwyn-rissiesous
¦ 30 ml olyfolie
¦ 2 uie, in ringe gesny
¦ 4 knoffelhuisies, fyngekap
¦ 3 ml sterk kerriepoeier
¦ 30 ml peri-perisous
¦ 30 ml worcestersous
¦ 125 ml soet rissiesous
¦ 250 ml rooiwyn
¦ Sout, swartpeper en bruinsuiker na smaak
¦ Sap van 1 suurlemoen
Kry ’n groot, diep swaarboompan gereed waarin ’n paar sosatiestokkies gemaklik sal pas. Sny die varkvleis in hapgrootte blokkies, ryg aan sosatiestokkies en geur goed met sout en peper.
Verhit ’n klein bietjie olyfolie in die pan en braai die sosaties aan alle kante tot goed bruin. Haal uit en hou eenkant.
Giet die 30 ml olyfolie in dieselfde pan en braai die uie tot sag. Voeg die knoffel en kerriepoeier by en braai tot geurig. Voeg die peri-perisous, worcestersous, soet rissiesous en rooiwyn by en en laat die sous vinnig opkook. Prut vir 5 minute. Geur die sous na smaak met sout, peper en ’n bietjie bruinsuiker.
Sit die sosaties terug in die sous, bedek en prut stadig oor lae hitte tot die vleis sag en die sous afgekook en geurig is. (As die sous te vinnig afkook, voeg water by gedurende die kookproses.) Verwyder van die hitte, druk die suurlemoensap oor en sit warm voor met vars broodrolletjies en slaai.
Lewer 6 porsies.
