Die Isuzu Arctic Trucks AT35-bakkie is nou beskikbaar deur Isuzu-handelaars op 'n eksklusiewe bestelbasis, met 'n geprojekteerde 50 eenhede wat jaarliks in Port Elizabeth gebou sal word.
Isuzu Motors Suid-Afrika se fabriek is die eerste en tans die enigste Isuzu Motors-fasiliteit wêreldwyd wat Arctic Trucks International se goedkeuringstempel ontvang het om 'n Arctic Truck-produksiemodel te bou.
Die Isuzu Arctic Trucks AT35 word in IMSA se Struandale-fabriek gebou, saam met gewone D-MAX-bakkies.
Die omskakeling word uitgevoer deur 'n span hoogs ervare Isuzu-gereedskapvervaardigers wat hul noukeurige vaardighede gebruik om groter wielputte en -boë te skep om die groter bande en sterker suspensie te akkommodeer.
Die Isuzu Arctic AT35 is gebaseer op die D-MAX 3.0 LX-dubbelkajuit, ‘n outomatiese 4X4-voertuig, en neem Isuzu D-MAX se legendariese taaiheid en veldryvermoëns na 'n nuwe vlak met die passing van ‘n Fox Performance-suspensie en dempers, wat die voertuig onoortreflike veldryvermoë gee.
Die Isuzu Arctic Trucks AT35 bied uitstekende prestasies op die pad en in die veld, met die vermoë om tegniese en sagte terrein te deurkruis met minimale grond- of voertuigimpak.
Die binneruim is dieselfde as die standaard D-MAX en dit spog met Isuzu se bekende tussenverkoelde 3 liter-turbodieselenjin en outomatiese 6-spoedratkas.
Die Isuzu Arctic AT35 is beskikbaar as ‘n 3 liter-dubbelkajuitbakkie, 4X4, met outomatiese 6-spoedratkas, teen 'n aanbevole verkoopprys van R 785 000.00 (BTW ingesluit).
