Uit die 50 607 voertuie wat in Maart vanjaar in Suid-Afrika verkoop is, kom 15 008 (30%) uit die Toyota-stal. Dat 4 561 van dié 15 008 eenhede Hilux-bakkies was, is selfs merkwaardiger.
Wie sou dit kon voorspel, buiten diegene wat Japan in die 1950’s of 1960’s besoek en die land se hergeboorte as groot moondheid aanskou het? Die tekens was daar. Die geskiedenis leer dat die een wat dit reg lees, ’n fortuin kan maak (of keer dat sy vloot in Pearl Harbour verwoes word).
Die Chinese maatskappy Chery het sy Tiggo 8 Pro onlangs in Suid-Afrika bekend gestel. Sy naam herinner dalk aan iets uit ’n vrugteboord, of Tigger van die Winnie the Pooh-kinderreeks, maar moenie daarvolgens oordeel nie.
