Dr. Obakeng Mfikwe van Lekatu Simbras, Lichtenburg, is sy nuwe eienaar. Hiermee verbeter die seun van Richter Prairie sy vaar se vorige rekordprys vir die ras.
Al 27 bulle op die aanlyn veiling is teen ‘n gemiddelde prys van R100 650 via SwiftVee verkoop. Die naashoogste pryse was R220 000 vir die poensko Richter Baros (JHR 18-667C) en R200 000 is vir JHR 19-861 betaal. Mnr. Jenet van Niekerk van Zarissa Simbra, Ficksburg, het Richter Baros gekoop. Nege van die 27 bulle behaal meer as R100 000 stuk.
“Ons kyk dankbaar terug op ons afgelope vyf veilings en sien hoe die teelmateriaal verbeter en die gemiddelde pryse geleidelik styg,” het mnr. Chris Richter gesê. Van ‘n gemiddelde prys van R75 000 in 2018, R85 000 in 2019, R95 000 in 2020 en R99 000 in 2021 was dit vanjaar R100 650. Richter, 'n Simbrateler van die plaas Leeukop buite Bloemfontein, is ‘n tevrede boer en sien uit na 2023.
Vleissentraal Bloemfontein het die veiling aangebied en Ian Grobbelaar was die afslaer.
Richter Simbras maak weer geskiedenis. Die stoetery se spogbul, Richter Power (JHR19820), is vir ‘n nuwe SA rekordprys van R375 000 via SwitVee verkoop. Van links staan Bärend Britz van Vleissentraal Bloemfontein, JP Swart van SwiftVee, Chris en Martlie Richter van Richter Simbras, Bloemfontein, Allan Sinclair van Vleissentraal Bloemfontein en Ian Grobbelaar, afslaer.
