Heuningbye bestuif sowat 50 soorte kommersiële oeste in Suid-Afrika, wat dalende getalle bye as gevolg van besoedeling en gebruik van gifstowwe 'n wesenlike bedreiging maak.
Die Suid-Afrikaanse poskantoor doen sy deel om bewusmaking rondom bye te kweek deur ‘n stel seëls getiteld “Bye vir Afrika” beskikbaar te stel. Dit is deur Jessica Delaney, ‘n student van Centurion, ontwerp.
Die belangrikheid van die noodsaaklike bestuiwingsproses wat deur bye gedoen word kan nie onderskat word nie. Duisende plantsoorte loop die gevaar om uit te sterf as bye verdwyn. Vrugte- en groenteboerdery sal feitlik onmoontlik wees sonder bye.
Versprei die boodskap
Twee soorte heuningbye kom in Suid-Afrika voor – die Afrikaby en die Kaapse by.
Die Kaapse by is hoofsaaklik tot Kaapse fynbosgebiede beperk en die Afrikaby verder noord tot in Sentraal-Afrika.
Seëls versprei die boodskap van bye wêreldwyd omdat die seëlreeks as posgeld vir klein internasionele briewe gebruik sal word. Die seëls is by alle groot poskantore beskikbaar teen R9,15 elk of kan bestel word deur ‘n epos aan sastamps@postoffice.co.za te stuur.
