Meer as 70 volstruise het weens honger op ’n plaas in die Vleiland-distrik in die Wes-Kaap gevrek, sê die Nasionale Dierebeskermingsvereniging (NDBV). Luidens ’n berig op News24.com is die karkasse van 40 volwasse volstruise en 30 kuikens oor die naweek op die plaas, Beestekraal, gevind.
Me. Grace le Grange, woordvoerder vir die NDBV, sê vyf volstruise moes ook van kant gemaak word omdat hulle te siek en swak was om te oorleef. Die organisasie voer tans die oorblywende 630 volstruise en kuikens op die plaas.
Finansiële probleme
De Lange sê die diere het gebrek gely aangesien die boer weens finansiële probleme nie voer kon bekostig nie. ’n Anonieme persoon het die voorval by die NDBV aangemeld, maar dié persoon getalm voor hy of sy die voorval aangemeld het.
“Dit maak nie saak wat die rede is nie, as diere en hul welstand in gedrang kom, moet ons eerder vroeër as later daarvan in kennis gestel word,” aldus De Lange.
Klagtes onder die Dierebeskermingswet staar glo die boer in die gesig.
Bron: News24.com
8 Maart 2011
