’n Man wat saam met drie ander aanvallers ’n boer van Koppies en sy vrou in hul plaashuis vasgebind en beroof het, is tot 18 jaar tronkstraf gevonnis.
Die vier aanvallers het mnr. Herman en mev. Helena Potgieter op 16 Februarie 2009 op hul plaas, Viljoenslaagte, oorval.
Tydens die aanval het een van die mans vir mev. Potgieter gesê hy het MIV/vigs en dat hy haar gaan verkrag en met die siekte besmet. Hy het haar uiteindelik nie verkrag nie. Mnr. Potgieter is egter herhaaldelik met ’n stuk yster oor die kop geslaan.
Mnr. Piet Maruping is in die streekhof op Koppies deur streeklanddros Rudi Smit van Kroonstad skuldig bevind op ’n aanklag van huisbraak en roof. Hy is ook as onbevoeg verklaar om ooit ’n vuurwapen te besit.
Lees meer op Volksblad.com.
Bron: Volksblad
18 April 2011
