“Dit maak die proses uit ’n administratief regtelike oogpunt vatbaar vir hersiening en tersydestelling,” sê Janse Rabie, Agri SA se uitvoerende beampte van regs- en beleidsake.
Bongani Sayidini, uitvoerende hoof van die petroleumagentskap van Suid-Afrika (Pasa), het onlangs aan Reuters bevestig dat Pasa beoog om minstens tien skaliegasblokke in die Karookom beskikbaar te stel deur ’n mededingende bieproses. Indien die nodige wetgewing gereed is, sal die veilings in 2024 of 2025 plaasvind.
“Tot dusver is al die nodige wetgewing en regulasies nog nie ingestel nie,” sê Rabie. “Ons meen ook dat die omgewingsimpakstudieprosesse eers afgehandel moet word, asook enige moontlike appèl- en hersieningsaansoeke.”
