Die ministeriële beurtkrag-taakspan wat deur Thoko Didiza, minister van landbou, grondhervorming en landelike ontwikkeling, op die been gebring is om met Eskom te beraadslaag oor hoe die sektor verligting van beurtkrag kan ontvang, hou aan om planne te probeer maak om die landbousektor te help midde van beurtkrag en die probleme wat dit veroorsaak.
Die taakspan wat uit verteenwoordigers van Agri SA, Agbiz, die nasionale landboubemarkingsraad en die departement bestaan, het reeds met Eskom en verskeie munisipaliteite vergader in pogings om korttermynoplossings vir sommige belanghebbendes in die waardeketting te vind.
Volgens die taakspan het verskeie gesprekke tussen Eskom, boeregroeperinge, landboubesighede en Eskom plaasgevind.
