Britse boere het genoeg gehad van lae melkpryse en die rakke in afdelingwinkels landwyd gestroop.
Melkboere in Brittanje, wat die afgelope jaar moes toesien hoe produkpryse met 25% val, het genoeg gehad en winkelrakke gestroop. (Sien video.)
Luidens 'n berig in die Express, was die finale strooi toe ‘n melkkoper sy prys nóg verder verlaag het. Dié melkkoper betaal boere 23,01 pennies per liter, terwyl produksiekoste 30 pennies en meer beloop.
Boere wat die melkrakke gestroop het, het daarvoor betaal of die melk voor die winkels gestort.
* Boere in Frankryk, Duitsland en België is ook erg ontevrede. Motorbande is al gebrand en vragmotors aan die brand gesteek. Dit gaan alles oor die lae pryse wat aan hulle betaal word vir hul produkte.
Lees ook die webwerf van www.boerderij.nl vir meer nuus oor dié boere-ongelukkigheid.
