Me. Sue Durham, direkteur van bemarking en verkope van dié familie-onderneming, sê die gemeenskap en ander melkverwerkers het Orange Grove sedertdien ongelooflik ondersteun.
Danksy hulp van ander melkverwerkers in die omgewing is kopers binne ’n dag gevind vir die melk van al die melkboere wat aan Orange Grove lewer.
Durham sê hul verskaffers van verpakking het ook baie moeite gedoen om vinnig ander verpakking te lewer nadat alle verpakking verwoes is.
Ander melkverwerkers het op 3 April begin om op kontrak vir Orange Grove produkte te vervaardig en te verpak, sodat die onderneming sy kontrakte met kliënte kan nakom.
Orange Grove lewer vars melk, langlewemelk, jogurt, maas, sappe, langlewesappe en magou wat na verskillende provinsies versprei word.
’n Brand het ook verlede maand ’n poeierfabriek van Clover naby Estcourt verwoes. Clover het gesê al die melk wat boere aan die fabriek gelewer het, kan steeds deur Clover of Dairy Farmers of South Africa (DFSA) gebruik word.
Ontvang die nuutste landbounuus en -raad in verskeie bedrywe - teken HIER in vir een van ons nuusbriewe.
