Op 22 Junie was die onderverhaling van brandstofpryse as volg:
- 93 oktaan-petrol: R1,71/liter
- 95 oktaan-petrol: R1,90/liter
- Diesel (albei grade): R1,62/liter
- Paraffien: R1,79/liter
Een van die faktore wat volgens Maree die prysstygings kan beïnvloed, is veranderinge in internasionale produkpryse, veral die skerp styging in ruoliepryse weens die konflik tussen Rusland en Oekraïne, asook onsekerheid oor groei in die wêreldekonomie wat verdere aanleiding gee tot wisselvallige ruoliepryse.
Hy sê positiewe bewegings in die wisselkoers het ’n demper op die moontlike prysstygings geplaas. Weens wisselvalligheid in die wisselkoers gedurende die afgelope paar dae is dit moontlik dat die situasie teen volgende week kan verander.
Die departement van minerale hulpbronne en energie het op 30 Mei aangekondig dat die tydelike verligting van R1,50/liter op die algemene brandstofheffing tot 5 Julie verleng is. Tot 2 Augustus sal die verligting tot 75c/liter verminder word.
