Die
departement vir minerale hulpbronne en energie het aangekondig dat die prys van
93 oktaan- en 95 oktaan-petrol met R1,27 styg. Diesel met 0,05% swaelinhoud sal
30c duurder wees, terwyl diesel met 0,005% swaelinhoud met 31c duurder word.
Die stygings is ondanks ’n verbetering in die Brent-ruolieprys oor die oorsigtydperk. Volgens die departement word die styging eerder toegeskryf aan ander internasionale en nasionale faktore.
“Petrolpryse neem teen hoër vlakke toe as dieselpryse weens laer globale voorraadvlakke en die sluiting van raffinaderye in sekere lande weens seisoenale onderhoud. Die impak van die Europese Unie se sanksies teen diesel wat van Rusland ingevoer is, is reeds ingereken.”
