Mnre. MC en Johan Weldon van Mpumalanga is in ’n kritieke maar stabiele toestand in twee hospitale in Bismarck, Noord-Dakota in die VSA, nadat hulle van voor met bakkies teen mekaar gebots het, luidens ’n berig op Netwerk24.
Mnr. Werner Swart, ’n vriend van die broers en hul halfbroer, mnr. Dan-dré Schambriel, is in die ongeluk oorlede. Schambriel en mnr. Marthinus Volschenk van Ventersdorp het op 26 Desember 2014 op die ongelukstoneel afgekom.
Die Suid-Afrikaners het saam by ’n saai- en beesboerdery, Lindskov Ranch, gewerk. Die plaas is sowat twee uur se ry vanaf Bismarck geleë en Schambriel besoek sy broers wanneer hy nie werk nie. Hulle het albei veelvuldige beenbreuke en word onder verdowing gehou terwyl operasies geskeduleer word.
“Waar het jy gesien dit gebeur met twee broers, op ’n grondpad, tussen niks en nêrens... Ons sal seker nooit antwoorde kry nie,” sê Schambriel.
Lees die volledige berig hier.
