Die aansoeke sou Maandag en Dinsdag in die hooggereghof in Kimberley aangehoor word. Die hof en opponente moet egter instem tot die terugtrekking van die aansoeke. Indien die Land Bank of die trustees of likwidateurs dit nie aanvaar nie, sal hulle ’n kostebevel teen Van der Merwe se regspan versoek “weens die gebrek aan meriete en beweringe wat gemaak is”, sê ’n ingeligte.
Kort nadat Shanie Taljaard en Curro Consultancy namens van der Merwe die aansoeke gebring het, het die likwidateur aan haar regspan geskryf en versoek om die saak terug te trek. Hulle het botweg geweier.
Die Land Bank voer in sy antwoordende verklaring met aangehegte dokumente en vorige hofbevele as bewyse aan dat Van der Merwe geen bevoegdheid meer het nie. Volgens die bank gebruik hy ’n Stalingrad-taktiek om die afhandeling van sy entiteite te keer deur dieselfde argumente weer voor die hof te plaas.
