Die onderneming wil met dié stap sowat R2,7 miljard invorder om sy balansstaat te versterk en skuldvlakke te verlaag. Enige verdere winste sal gebruik word om ’n deel van die groep se aandeelhouerslenings terug te betaal. Die JSE moet nog die notering goedkeur.
Die maatskappy was vantevore op die aandelebeurs genoteer, maar is in 2007 geprivatiseer deur ’n private konsortium gelei deur Brait Private Equity, Old Mutual Private Equity, Sanlam Private Equity, HarbourVest Partners en Consol se bestuur.
As vervaardiger van glasverpakking het Consol die grootste produksievermoë in Afrika suid van die Sahara – 6 produksie-aanlegte en 13 oonde wat sowat 932 000 ton goeie glas per jaar lewer.
