Die besige R31-roete by Koopmansfontein in die Noord-Kaap is op 28 Maart weens slaggate en verspoelings gesluit. Daar was reeds talle ongelukke, waarvan een noodlottig, op die betrokke pad. Betrokkenes pak die skuld op swak padonderhoud en ertsvragmotors wat die pad stukkend ry.
Boere en myneienaars gebruik die R31-roete vanaf Kathu en Postmasburg verby Daniëlskuil en Kimberley, en vandaar die R705-, R48-, R369- en R389- teerpaaie deur Jacobsdal, Koffiefontein, Luckhoff, Petrusville, Philipstown na Hanover om hul produkte na hawens in die Oos-Kaap te vervoer.
Tussendeur word grondpaaie in die omgewing van dié roetes ook gebruik om produkte te vervoer.
