Die Russiese president, mnr. Wladimir Poetin, se fantasieë oor Oekraïne spruit uit sy psigotiese begeerte om homself in dieselfde kategorie te plaas as groot Russiese keisers wat die Russiese gebiede voortdurend uitgebrei het deur bure te verower.
Ná die ineenstorting van die Russiese Ryk in 1917 het lande soos Finland, Pole, die Baltiese state en Oekraïne hul onafhanklikheid teruggekry. Binne minder as ’n jaar het Bolsjewistiese troepe Oekraïne in 1918 binnegeval en dit weer deel van Rusland gemaak.
Die Baltiese state is in 1940 tydens die Tweede Wêreldoorlog binnegeval. Die Russiese pogings in 1920 om ook Pole in te sluit, en Finland in 1940, het misluk.
