Meer skaapvleis is deur Australië uitgevoer weens die knellende droogte daar. Meer skape is dus gedurende die lente en somer geslag terwyl groter belangstelling uit Asië ook verder daartoe bygedra het, aldus Meat and Livestock Australia.
Uitvoer van Australiese skaapvleis het 'n rekordgewig van 183,232 ton behaal wat vir 2013-’14 se belastingjaar verskeep is – 'n toename van 27% op 'n jaar grondslag en 59% op 'n vyfjaar-gemiddelde.
China het die Midde-Ooste vanjaar met 'n 32%-markaandeel onttroon as die grootste uitvoerbestemming vir skaapvleis. Die aanvraag vir skaapvleis vanuit Suidoos-Asië het aansienlik oor die afgelope 12 maande gestyg soos verskepings met 57% op 'n jaargrondslag verhoog het en amper verdubbel het van die vyfjaar-gemiddelde.
Bron: The Land.
