Gerugte van erge veevrektes is by Landbouweekblad se stalletjie op Nampo aan dr. Faffa Malan oorgedra, met verskeie boere wat veral erge lam- en kalwervrektes ervaar het. Een boer het ontsteld vertel hoe hy ’n duisend lamvrektes ondervind het, met die ergste uitbrekings wat in die Oos-Vrystaat aangemeld is, maar besig is om te versprei.
Volgens ondersoeke wat op lammers gedoen is, is gevind dat sekere E.coli-stamme vir die vrektes verantwoordelik is. In baie gevalle was kriptosporidiose ook teenwoordig. 'n Span wetenskaplikes is tans besig om alle moontlike middels te probeer vind om die uitbrekings hok te slaan.
Tans word aanbeveel dat boere hulle ooie voor lamtyd met 'n autogene-enstof inent. Sulke entstowwe word vervaardig van die bakterieë wat geisoleer word van monsters wat veeartste van aangetaste diere neem. Dok Faffa noem dat daar wel middels beskikbaar is by veeartse wat kan help om die skade te voorkom en te beperk, maar noem ook dat dit belangrik is om vas te stel watter spesifieke antibiotika effektief is teen die bakterieë deur 'n antibiogram te laat doen.
Higiëne uiters belangrik
Dok Faffa sê dit is moeilik om vas te stel wat presies verantwoordelik is vir die uitbrekings en verspreiding, maar maan boere om tans uiterste klem te lê op higiëne en biosekuriteit. Ander bydraende faktors sluit in die effek van die droogte wat proteïentekorte tot gevolg het, asook swak gehalte kolostrum of kolostrum wat nie ingeneem word nie, of wat nie teenliggame teen die spesifieke E.coli-stamme bevat nie.
Ander bydraende faktore sluit in vitamin A tekorte, voer van hoendermis, besmette water, stof, draerdiere of intensiewe stelsels waar die stamme vastrapplek kan kry. Alle ander oorsake van diarree moet ook ondersoek word.Enige siek diere moet onmiddellik uit die kudde gehaal word, in kwarantyn geplaas word, en met elektroliete in die water voorsien word.
Dok Faffa raai boer ook aan om artikels op Landbou.com na te slaan, wat handel oor E.coli en kriptosporidiose in diere.
Lees die artikels hier:
Kriptosporidiose – 'n protoso?ese siekte in mense, diere, reptiele en visse
E.coli-kiem rakende maagwerk en mastitis
Boere is ook welkom om Dok Faffa direk te kontak by dokfaffa@nashuaisp.co.za.
