Ter illustrasie. Foto: Marieke Snyman
Die polisie in Caledon ondersoek die omstandighede rondom ’n plaasaanval waartydens ’n verdagte verlede week noodlottig gewond is.
Kapt. Frederick van Wyk, polisiewoordvoerder, sê klagte van poging tot moord en betreding word ondersoek ná die voorval wat Vrydag 13 Januarie rondom 06:00 op ’n plaas buite Botrivier plaasgevind het.
Dr. Russell Reuvers (72), ’n boer en afgetrede veearts, het tydens die voorval ’n skietwond in sy regterbeen opgedoen en moes gehospitaliseer word. ’n 42-jarige verdagte is noodlottig gewond en ’n 41-jarige verdagte in hegtenis geneem.
Van Wyk sê die omstandighede rondom die voorval word nog ondersoek.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
