Verder sal me. Nkosazana Dlamini-Zuma, minister van samewerkende regering en tradisionele sake, ’n openbare uitnodiging aan belangegroepe rig om aan die besluitnemingsproses deel te neem.
Dít is van die ooreenkomste wat die Fair-Trade Independent Tobacco Association (Fita) se regspan met dié van Dlamini-Zuma en die staat se bevelsraad bereik het in ’n skikking nadat die organisasie se aansoek om appèl vroeg in Augustus deur die hooggeregshof in Pretoria van die hand gewys is.
Die hof het in Junie die organisasie se aansoek dat sigarette en tabakprodukte onder die regering se regulasies vir die inperking as noodsaaklik verklaar word, met ’n kostebevel van die hand gewys.
Mnr. Sinenhlanghla Mnguni, Fita se voorsitter, het kort nadat die aansoek om appèl misluk het, aangedui dat die organisasie hom regstreeks tot die appèlhof sou wend.
Dié stap is deur die skikking afgeweer, skaars ’n week nadat die staat van inperking na vlak 2 beweeg het en sigarette weet wettig verkoop kan word.
Ingevolge die skikkingsooreenkoms het Fita ingestem om sy aansoek by die appèlhof te onttrek en alle regstappe teen Dlamini-Zuma, die president en die bevelsraad in dié verband te laat vaar.
Mnguni het almal wat Fita in sy hofstryd ondersteun het, in ’n verklaring bedank.
