Nagenoeg 34 van Suid-Afrika se beste skaaphonde het uit alle dele van die land op die plaas Uitvlugt by Dullstroom byeen gekom om om die titel van Suid-Afrika se skaaphondkampioen mee te ding.
Mnr. Neil Gillon, wat onlangs Skotland se kampioenskappe met sy hond Sweep gewen het, het dié kompetisie beoordeel. Gillon woon op Barr in South Ayrshire, waar hy plaaswerk op kontrak doen en met sowat 1 100 Blackface-ooie en 80 Limousin x Holstein-koeie op ’n heuwelagtige landskap werk. “Ek help ook ander plaaslike boere met sowat 1 800 ooie en 160 vleisbeeste.” Flint se hanteerder, mnr. Andrew Philip, werk al sy hele lewe met honde. Sy pa, Ron, het in 1961 met die hond Tracer aan die eerste Suid-Afrikaanse kampioenskappe deelgeneem. Flint se vaar is Don, wat aan die befaamde teler en hanteerder mnr. Faansie Basson behoort en in 2013 die nasionale kampioen was. Volgens Andrew was Flint ’n woelige hond om op te lei, maar luister hy mooi. Hou Landbouweekblad dop vir meer oor die wenhonde en dié sport.
