Dit was die Here se hand wat hom bewaar het sodat hy vandag nog hier is.
Dit was die woorde van mnr. Theunis Pretorius, wat naby Ficksburg in die Vrystaat boer, nadat hy op Woensdag 11 Januarie deur mans in polisie-uniform gekaap en later in Heidelberg gelos is. Pretorius was op ’n sakereis toe hy op die N5 oos van Bethlehem gekaap is.
“Ek lewe en ek koester geen haat of bitterheid nie,” het Pretorius gesê. Terwyl die mans met hom rondgery het, het Pretorius deurentyd bly bid – nie net vir homself nie, maar ook vir sy kapers. “Die probleme in ons land, gaan nie met wapens of geweld opgelos word nie, maar deur vir mekaar te bid,” het hy aan Landbou.com gesê.
