Op die daaglikse program van 10:00 tot 18:00 is daar kompetisies, demonstrasies om 11:00 en konserte om 16:00 met musiek van Sunset Sweatshop, Danie du Toit van Spoegwolf en Jimm Harisson Project.
Virtuele gaste word aangemoedig om ’n foto van ’n vorige fees met die hutsmerke #SACheeseFest #festivalfriends te plaas vir ’n kans om 20 kaartjies te wen na volgende jaar se 20ste SA Kaasfees, asook 20 kase én verblyf vir vier feesvriende by Hawksmoor House.
Gaste kan Saterdag uitsien na ’n pas-en-proe van Chenin blanc en kaas deur Alvi en Junel van der Merwe van Alvi’s Drift, terwyl kaasliefhebbers Sondag kan deelneem aan ’n kaasbord-uitdaging saam met die glanssjefs Jenny Morris en Pete Goffe-Wood.
Die tromspeler-sjef Moskou du Toit van Spoegwolf en Drum Restaurant-faam maak op Vryheidsdag sy verskyning. Op dié dag is daar ook ’n spesiale vertoning van die musikant Amy Jones om 10:00, ’n kuier by Kasselshoop Kaas buite Stilbaai om 14:00, en kaas en feeskaartjies te wen vir die beste geel uitrusting.
Besoek www.facebook.com/sacheesefestival vir nog inligting.
