Die volgende ontleding van grondverkope in Suid-Afrika handel oor die grondtransaksies vir stukke grond groter as 20 ha in Gauteng, Mpumalanga en die Noord-Kaap vanaf Junie 2015 tot Mei 2016.
In Gauteng was daar 469 transaksies. In dié proses is 81 163 ha teen R5,057 miljard verhandel. Daarvan was 71 (15%) transaksies van kleur. Transaksies van kleur is dié tussen mense wat nie wit is nie, regeringsaankope en grond wat vir munisipale gebiede bekom is. Dit het 7 692 ha (9,5%) van R495 miljoen behels.
Altesame 273 (58%) van die transaksies was vir grond kleiner as 50 ha, met 85 (18%) vir grond van 51 ha tot 150 ha.
Daar was 419 transaksies in Mpumalanga. In dié proses is 136 082 ha teen R2,472 miljard verhandel. Daarvan was 94 (22%) ooreenkomste van kleur vir 26 421 ha (20,8%) teen R510 miljoen – 20,6% van die totale waarde.
Altesame 116 (28%) van die transaksies was vir grond van 51 ha tot 150 ha en 118 (28%) was vir grond groter as 300 ha.
In die Noord-Kaap is 275 transaksies in 22 distrikte gesluit. Altesame 531 569 ha is teen R1,783 miljard verhandel. Uit die verkope was 33 transaksies van kleur (12%), wat 58 772 ha (11,1%) verteenwoordig teen R323 miljoen, 18,1% van die totale waarde.
Van die interessante statistiek is dat 77 transaksies in Bethal beklink is, teen 'n gemiddelde prys van R18 057 per hektaar vir die 12 maande.
In Vaalharts is 16 transaksies aangegaan: Die laagste prys oor die 12 maande was R68 499 per hektaar, die gemiddelde prys R174 898 per hektaar oor die jaar-tydperk en die hoogste prys was R394 000 per hektaar!
Lees die verskillende afdelings van die Plaasverkope hier:
* Statistiek oor die verhandeling van landbougrond per distrik binne 'n provinsie vir die afgelope 12 maande.
* Opsomming: Meer besonderhede oor plaasverkope binne 'n distrik vir die afgelope 12 maande.
* Verspreiding bevat besonderhede oor die randwaarde per hektaar van transaksies in elke distrik van Suid-Afrika.
? Johann Bornman is 'n ekonoom en voorsitter van Agri Development Solutions.
