Miljoene rande is op Oukersaand by die Land Bank gesteel, maar wakker bankamptenare het groot skade verhoed.
Luidens ‘n berig op IOL het werknemers van Absa - die Land Bank se amptelike bankier - verdagte oordragte opgemerk en sekere rekeninge bevries. Swendelaars wou sowat R150 miljoen na vals maatskappye en rekeninge oorplaas.
Volgens die berig sê mnr. Wolf Meyer, hoof finansiële beampte van die Land Bank, is sowat R8 miljoen só oorgedra. Slegs R380 000 van dié geld word steeds vermis.
Volgens die berig meen ondersoekbeamptes sekere Land Bank-amptenare was betrokke, en hulle is vermoedelik deur amptenare by Absa en by die Intellektuele Eiendomsregistrasiekantoor (Cipro) bygestaan. Absa doen ook ‘n hoë vlak ondersoek.
Bron: IOL
10 Januarie 2011
