Die kykNET-reeks Boer soek ’n vrou het in die afgelope 14 seisoene bewys dat dit wel moontlik is om liefde op die kassie te vind. Boere wat ook die kans wil waag om liefde op dié manier te vind, kan nou vir die 15de seisoen van dié gewilde werklikheidsreeks inskryf.
In vanjaar se reeks het drie van die topvyf boere liefde gevind. Nou soek kykNET volgende jaar se oes van boere of plaasbestuurders, manlik of vroulik, wat deel wil wees van die 15de seisoen wat van Januarie 2023 op kykNET uitgesaai sal word.
Boere kan op die volgende maniere inskryf:
• Besoek www.kyknet.tv waar jy aanlyn kan inskryf of ’n inskryfvorm kan aflaai;
• Bel die vervaardigers, Wolflight, by 076 600 6090; of
• Stuur ’n e-pos na boer@wolflightsa.com.
Daar moet op die volgende inligting gelet word:
• Foto’s en afskrifte van identiteitsdokumente moet inskrywings vergesel.
• Diegene wat wil deelneem, moet ongetroud en ouer as 21 jaar wees.
• Inskrywings moet die vervaardigers voor middernag op 5 Mei 2022 bereik.
Hou kykNET se sosiale media of die media dop vir die aankondiging oor 2023 se toptien boere. Moontlike pasmaats sal dan hul beurt kry om vir dié boere briewe te skryf.
