Mnr. Mikola Solskyi, minister van landelike beleid en kos in Oekraïne, het onlangs ’n besoek aan Letland gebring om die moontlikheid van landbou-uitvoer via dié land se hawens te bespreek.
Luidens ’n verklaring van Solskyi se departement het hy met sy Lettiese eweknie, mnr. Kaspars Gerhards, vergader, en ook die hawens Riga en Ventspils, en die Liepeja-spesiale ekonomiese sone besoek.
Hy het ook samesprekings gevoer met Lettiese munisipale owerhede, hawe-administrateurs, graanterminaal-operateurs en graanhandelaars.
