Mnr. Jaco Beyers, besturende direkteur van John Deere Afrika en Midde-Ooste, het gesê die maatskappy belê jaarliks sowat $1,5 miljard in sy tegnologie om produsente in staat te stel om meer akkuraat en presies te kan boer.
“Wanneer ons kyk na hoe tegnologie ontwikkel en verander is dit ’n verbysterende gedagte om te besef dat tegnologie nooit weer so stadig sal wees as vandag nie: Dit bly aanpas en versnel en ons kliënte kan op ons staatmaak om tegnologie te bly lewer wat hulle mededingend en winsgewend sal hou.”
Mnr. Lukas Groenewald, nasionale verkoopsbestuurder van John Deere, het gesê die maatskappy sou nie die hoogtes kon bereik sonder die deurlopende harde werk en opofferings van sy handelaars en hul gesinne nie.
“Wanneer ek terugkyk op die afgelope paar jaar se probleme het ons as John Deere-familie sterk bly staan, passie behou en ons verbind tot die maatskappy. Die resultate hiervan kan ons nou sien.”
Die wenners was:
Verkoopspersoon van die Jaar vir groot landboumasjinerie: Kwek Diederiksen van Senwes Hoopstad.
Handelaar van die Jaar in die afdeling vir ’n enkel-afset: Swazi Track van Eswatini.
Handelaar van die Jaar in die afdeling vir ’n veelvoudige afset: GWK.PowerGard Verkoopspersoon van die Jaar: Peet Vorster van Afgri Delmas.
Die Jackie Pretorius-toekenning vir buitengewone diens: Cora van der Merwe, rekeningkredietbestuurder by John Deere.
Verkoopspersoon van die Jaar vir klein landboumasjinerie: Wessel Visagie van Senwes Wesselsbron.
Die John Deere Financial/ABSA toekenning vir BA van die Jaar: Dikeledi Mokoena.
John Deere Financial/ABSA toekenning vir Besigheidsontwikkelingsbestuurder van die Jaar: Riaan Smith.
Onderdelekenner van die Jaar: Jaco Wessels van Marquard.
Werkswinkel van die Jaar: Afgri Bethlehem.
Tegnikus van die Jaar: Tiaan Oosthuizen van Afgri Polokwane.
