Die aansienlike hoeveelheid skuld wat die landbou in Suid-Afrika toenemend kenmerk, is ’n bron van kommer vir die sektor se volhoubaarheid op lang termyn.
Só het mnr. J.F. van der Merwe, ’n direkteur van Aartappels SA en voorsitter van die Wes-Vrystaatse streekbestuur, op die aartappel-navorsingsimposium op Parys in die Vrystaat gesê. Hy het gesê die landbousektor se skuld het van R4,8 miljard in 1982 tot R28,2 miljard in 2002 gestyg en in 2012 die kerf van R88,8-miljard gehaal.
Hoewel Van der Merwe meen daar 'n aantal redes vir die kommerwekkende skudlas is, speel die aanhoudende druk van die Regering se voorgestelde grondhervormingsbeleid 'n rol in die vernietiging van sakevertroue in die landbousektor. “Grondeienaars onttrek geld uit die landbou en soek eerder ander, veiliger plekke om dit te belê.”
